Ac yn awr,
wedi’r gwanu a’r rhwyllo,
wedi oriau’r nodwyddo,
wedi curo’r clai yn ddalen denau
a’i euro’n sglein,
pwyll piau hi.
Cei osod â dwylo delicet
y darnau cain, cywrain
mewn llif o olau croyw –
fel y mae gollwng cwrwgl i afon.
Yna, cei ddadweindio’r edau,
a gadael y desglau i bysgota’n bryfoclyd
am belydrau aur,
nes daw awr eu hailangori
â blaen pin.
A series of poetic responses to The Language of Clay, composed by Mererid Hopwood.